ﺍﻟﻌﺮﺍﻳﺲ ﺍﻟﺤﻠﻮﻳﻦ ﻋﺎﻣﻠﻴﻦ ﺍﻳﻪ ﻳﺎﺭﺏ ﺗﻜﻮﻧﻮﺍ ﺑﺨﻴﺮ
ﺑﺼﻮﺍ ﺍﻟﻨﻬﺎﺭﺩﻩ ﺣﻨﺘﻜﻠﻢ ﻋﻦ
ﺷﻮﻳﻪ ﻧﺼﺎﻳﺢ ﻣﻬﻤﺔ ﺟﺪﺍﺍﺍ ﻟﻠﻌﺮﻭﺳﻪ ﻳﻮﻡ ﻓﺮﺣﻬﺎ
ﺍﻭﻻ
ﻻﺯﻡ ﺗﻜﻮﻧﻲ ﻭﺍﺛﻘﺔ ﻣﻦ ﻧﻔﺴﻚ ﻓﻲ ﺍﻟﻴﻮﻡ ﺩﻩ ﺟﺪﺍً، ﻭﺗﺨﻠﻴﻚِ ﻋﻠﻰ
ﻃﺒﻴﻌﺘﻚ ﻗﻮﻱ، ﻭﺗﺒﺘﺴﻤﻲ ﻋﻠﻰ ﻃﻮﻝ، ﻭﺗﺜﻘﻲ ﻓﻲ ﻛﻞ ﺧﺒﺮﺍﺀ
ﺍﻟﺘﺠﻤﻴﻞ ﻭﺍﻷﺯﻳﺎﺀ ﺍﻟﻠﻲ ﻫﺘﺘﻌﺎﻣﻠﻲ ﻣﻌﺎﻫﻢ ﻓﻲ ﺃﺣﻠﻰ ﻳﻮﻡ ﻓﻲ
ﻋﻤﺮﻙ ﻭﻫﻮ ﻳﻮﻡ ﺯﻓﺎﻓﻚ، ﺍﻟﻴﻮﻡ ﺍﻟﻠﻲ ﺑﺘﺤﻠﻤﻲ ﺑﻴﻪ ﻭﺑﺘﻔﻜﺮﻱ ﻓﻴﻪ
ﻣﻦ ﻭﺃﻧﺖ ﺻﻐﻴﺮﺓ.
ﺗﺎﻧﻴﺎ
ﺭﺗﺒﻲ ﺃﻓﻜﺎﺭﻙ ﻭﺍﺣﺘﻴﺎﺟﺎﺗﻚ ﻗﺒﻞ ﺍﻟﻔﺮﺡ ﺑـ3 ﺷﻬﻮﺭ ﻋﻠﻰ ﺍﻷﻗﻞ،
ﻭﺧﺼﻮﺻﺎ ﻟﻮ ﻓﺮﺣﻚ ﻓﻲ ﺍﻟﺼﻴﻒ ﺃﻭ ﻓﻲ ﺍﻷﻋﻴﺎﺩ، ﻋﺸﺎﻥ ﺃﻣﺎﻛﻦ
ﺍﻷﻓﺮﺍﺡ ﻓﻲ ﺍﻷﻭﻗﺎﺕ ﺩﻱ ﺑﺘﺒﻘﻰ ﺯﺣﻤﺔ ﺟﺪﺍً ﻭﻋﻠﻰ ﻓﻜﺮﺓ
ﺍﻟﻤﻔﺮﻭﺽ ﺗﺮﺗﺒﻲ ﻧﻔﺴﻚ ﻣﻦ ﺃﻭﻝ ﺍﻟﻔﺴﺘﺎﻥ ﻟﻐﺎﻳﺔ ﺍﻟﻘﺎﻋﺔ ﺍﻟﻠﻲ
ﻫﻴﺘﻌﻤﻞ ﻓﻴﻬﺎ ﺍﻟﻔﺮﺡ ﻭﺑﻌﺪﻳﻦ ﺷﻜﻞ ﺍﻟﻤﻜﻴﺎﺝ ﻭﺍﻟﻄﺮﺣﺔ.
ﺛﺎﻟﺜﺎ
ﺍﻟﺮﺷﺎﻗﺔ ﻫﻲ ﺍﻟﺤﺎﺟﺔ ﺍﻟﻤﻬﻤﺔ ﺍﻟﻠﻲ ﺑﺘﻔﻜﺮ ﻓﻴﻬﺎ ﺍﻟﻌﺮﻭﺳﺔ
ﻭﻋﻠﺸﺎﻥ ﺍﻟﻔﺴﺘﺎﻥ ﻳﺒﻘﻰ ﺣﻠﻮ ﻭﻣﻈﺒﻮﻁ ﻋﻠﻴﻚِ ﺃﻧﺼﺤﻚ ﻟﻮ ﻭﺯﻧﻚ
ﺯﻳﺎﺩﺓ ﺷﻮﻳﺔ ﺗﺘﺒﻌﻲ ﻧﻈﺎﻡ ﻏﺬﺍﺋﻲ ﻗﺒﻞ ﺍﻟﻔﺮﺡ ﻋﻠﻰ ﺍﻷﻗﻞ
ﺑﺸﻬﺮﻳﻦ، ﻭﺇﻥ ﻭﺟﺒﺎﺗﻚ ﺗﻜﻮﻥ ﺑﺘﺤﺘﻮﻱ ﻋﻠﻰ ﻛﻞ ﻣﺎ ﻫﻮ ﺻﺤﻲ
ﻭﻣﻔﻴﺪ ﻭﺑﻼﺵ ﺍﻟﻮﺟﺒﺎﺕ ﺍﻟﺴﺮﻳﻌﺔ ﻷﻧﻬﺎ ﻣﻤﻜﻦ ﻳﻜﻮﻥ ﻟﻬﺎ ﺗﺄﺛﻴﺮ
ﻛﺒﻴﺮ ﻋﻠﻰ ﺑﺸﺮﺗﻚ، ﻛﻤﺎﻥ ﻣﻤﻜﻦ ﺯﻳﺎﺩﺓ ﺍﻟﻤﻠﺢ ﺃﻭ ﺍﻟﺴﻜﺮ ﺗﻈﻬﺮ
ﺣﺒﻮﺏ ﻛﺘﻴﺮ ﻓﻲ ﺃﻣﺎﻛﻦ ﻛﺘﻴﺮﺓ ﻓﻲ ﻭﺷﻚ ﻭﺟﺴﻤﻚ ﻭﺧﺼﻮﺻﺎً ﻟﻮ
ﻛﻨﺖ ﻣﻦ ﺍﻟﻨﺎﺱ ﺍﻟﻠﻲ ﻋﻨﺪﻫﻢ ﺣﺒﻮﺏ ﺃﻭ ﺍﺳﺘﻌﺪﺍﺩ ﻟﻠﺤﺴﺎﺳﻴﺔ ﻭﻳﺎ
ﺭﻳﺖ ﻟﻮ ﻟﻘﻴﺘﻲ ﺃﻱ ﺣﺒﻮﺏ ﻇﻬﺮﺕ ﻓﻲ ﺑﺸﺮﺗﻚ ﺗﺮﻭﺣﻲ ﻟﺪﻛﺘﻮﺭ
ﺟﻠﺪﻳﺔ ﻋﺸﺎﻥ ﻳﺸﻮﻑ ﺑﺸﺮﺗﻚ ﻭﻳﻘﺪﻡ ﻟﻚ ﺍﻟﻌﻼﺝ ﺍﻟﻤﻨﺎﺳﺐ.
ﺭﺍﺑﻌﺎ
ﻻﺯﻡ ﺗﻬﺘﻤﻲ ﺑﺒﺸﺮﺗﻚ ﻗﺒﻞ ﺍﻟﻔﺮﺡ ﺑﻔﺘﺮﺓ ﻛﺎﻓﻴﺔﻭﺗﺴﺘﺨﺪﻣﻲ
ﻣﺎﺳﻜﺎﺕ ﻭﺯﻳﻮﺕ ﻃﺒﻴﻌﻴﺔ ﻋﺸﺎﻥ ﻳﺒﻘﻰ ﺟﻠﺪﻙ ﻧﺎﻋﻢ ﻭﺟﻤﻴﻞ ﺯﻱ
ﺑﺸﺮﺓ ﺍﻷﻃﻔﺎﻝ، ﻭﺍﻟﻤﻔﺮﻭﺽ ﺇﻧﻚ ﺗﺴﻴﺒﻲ ﺷﻌﺮ ﺍﻟﺠﺴﻢ ﻗﺒﻞ ﺍﻟﻔﺮﺡ
ﺑﺸﻬﺮ ﻭﻧﺼﻒ ﺗﻘﺮﻳﺒﺎً ﻭﺷﻌﺮ ﺍﻟﻮﺵ ﻗﺒﻞ ﺍﻟﻔﺮﺡ ﺑﺄﺳﺒﻮﻋﻴﻦ ﻋﺸﺎﻥ
ﻳﺒﻘﻰ ﺳﻬﻞ ﻋﻠﻴﻚِ ﺇﺯﺍﻟﺘﻪ ﺑﺴﻬﻮﻟﺔ ﻗﺒﻞ ﺍﻟﻔﺮﺡ.
ﺧﺎﻣﺴﺎ
ﺧﻠﻲ ﺑﺎﻟﻚ ﻣﻦ ﺃﺳﻨﺎﻧِﻚ ﻛﻮﻳﺲ، ﻋﺸﺎﻥ ﺩﻱ ﺃﻭﻝ ﺣﺎﺟﺔ
ﺑﻴﺸﻮﻓﻮﻫﺎ ﻟﻤّﺎ ﺑﺘﻀﺤﻜﻲ ﻓﻲ ﺍﻟﻔﺮﺡ، ﻭﻳﺎﺭﻳﺖ ﺗﺮﻭﺣﻲ ﻟﺪﻛﺘﻮﺭ
ﺃﺳﻨﺎﻥ ﻋﺸﺎﻥ ﺗﻨﻈﻔﻴﻬﺎ ﻗﺒﻞ ﺍﻟﻔﺮﺡ ﺑﺄﺳﺒﻮﻉ ﻭﻟﻮ ﻋﻨﺪﻙ ﻣﺸﻜﻠﺔ
ﻓﻴﻬﻢ ﻻﺯﻡ ﺗﺼﻠﺤﻴﻬﺎ ﻗﺒﻞ ﺍﻟﻔﺮﺡ ﺑﺸﻬﺮ ﻋﻠﻰ ﺍﻷﻗﻞ.
ﺳﺎﺩﺳﺎ
ﻛﻤﺎﻥ ﺍﻻﻫﺘﻤﺎﻡ ﺑﺎﻟﻌﻴﻦ ﺣﺎﺟﺔ ﻣﻬﻤﺔ ﺟﺪﺍً ﻭﺩﻩ ﻷﻥ ﺍﻟﻌﻴﻦ ﻫﻲ
ﺍﻟﻠﻲ ﺑﺘﺒﻴﻦ ﺟﻤﺎﻝ ﺍﻟﻮﺟﻪ ﻋﻠﺸﺎﻥ ﻛﺪﻩ ﻳﺎ ﺭﻳﺖ ﺗﺤﺎﻭﻟﻲ ﺗﻨﺎﻣﻲ
ﻛﻮﻳﺲ ﻗﺒﻞ ﺍﻟﻔﺮﺡ ﺑﺄﺳﺒﻮﻉ ﺃﻧﺎ ﻋﺎﺭﻓﺔ ﺇﻧﻪ ﺻﻌﺐ ﺑﺲ ﺣﺎﻭﻟﻲ،
ﻭﻟﻮ ﻫﺘﻠﺒﺴﻲ ﻋﺪﺳﺎﺕ ﻣﻠﻮﻧﺔ ﺃﻭ ﻧﻈﺮ ﻳﺒﻘﻰ ﻻﺯﻡ ﺗﺸﺘﺮﻱ
ﻭﺍﺣﺪﺓ ﺟﺪﻳﺪﺓ ﻗﺒﻞ ﺍﻟﻔﺮﺡ ﻭﻣﺘﻨﺴﻴﺶ ﺍﻟﻘﻄﺮﺓ ﻣﻤﻜﻦ ﺗﺤﻄﻲ
"ﻓﺎﻳﺰﻳﻦ " ﺃﻭ " ﺑﺮﻳﺰﻭﻟﻴﻦ ﺑﻠﻮ " ﻗﺒﻞ ﺍﻟﻤﻴﻚ ﺁﺏ، ﻋﻠﺸﺎﻥ ﺍﻟﻘﻄﺮﺓ
ﺑﺘﺴﺎﻋﺪ ﺇﻥ ﺍﻟﻌﻴﻦ ﻣﺘﻜﻮﻧﺶ ﺣﻤﺮﺍ ﻓﻲ ﺍﻟﻔﺮﺡ .
ﺳﺎﺑﻌﺎ
ﺑﺎﻟﻨﺴﺒﺔ ﻟﻠﻤﻜﻴﺎﺝ ﻭﺍﻟﻄﺮﺣﺔ ﻓﺪﻭﻝ ﺑﻴﻜﻮﻧﻮﺍ ﺃﻫﻢ ﺣﺎﺟﺔ ﺑﺘﻔﻜﺮ
ﻓﻴﻬﺎ ﺍﻟﻌﺮﻭﺳﺔ ﺍﻟﻤﺤﺠﺒﺔ ... ﺃﻣﺎ ﺍﻟﻌﺮﻭﺳﺔ ﻏﻴﺮ ﺍﻟﻤﺤﺠﺒﺔ
ﻓﺒﺘﺒﻘﻰ ﻗﻠﻘﺎﻧﺔ ﺃﻛﺘﺮ ﻋﻠﻰ ﺷﻜﻞ ﺗﺴﺮﻳﺤﺔ ﺷﻌﺮﻫﺎ ﻫﺘﺒﻘﻰ
ﻋﺎﻣﻠﺔ ﺍﺯﺍﻱ؟!، ﻭﺍﻻﺗﻨﻴﻦ ﻋﺎﻳﺰﻳﻦ ﻳﻌﺮﻓﻮﺍ ﺍﻟﺸﻜﻞ ﺍﻟﻨﻬﺎﺋﻲ ﻓﻲ
ﺍﻟﻔﺴﺘﺎﻥ ﻭﻓﻲ ﻛﻞ ﺣﺎﺟﺔ ﻓﻲ ﺍﻟﻔﺮﺡ ﻭﻃﺒﻌﺎ ﻛﻞ ﺣﺎﺟﺔ ﻣﻦ
ﺍﻟﺤﺎﺟﺎﺕ ﺩﻱ ﻫﻨﺘﻜﻠﻢ ﻋﻠﻴﻬﺎ ﺑﺎﻟﺘﻔﺼﻴﻞ ﻓﻲ ﺣﻠﻘﺎﺕ ﻗﺎﺩﻣﺔ ﺇﻥ
ﺷﺎﺀ ﺍﻟﻠﻪ ...
ﺑﺲ ﺑﺼﻔﺔ ﻋﺎﻣﺔ ﻳﺎﺭﻳﺖ ﺗﺨﺘﺎﺭﻱ ﻣﺘﺨﺼﺼﻴﻦ ﺳﻮﺍﺀ ﻟﺘﺼﻤﻴﻢ
ﺃﺯﻳﺎﺀ ﻓﺴﺘﺎﻧﻚ ﺃﻭ ﺧﺒﻴﺮﺓ ﺗﺠﻤﻴﻞ ﻟﻤﻜﻴﺎﺟﻚ ﻭﺷﻜﻞ ﻃﺮﺣﺘﻚ
ﻭﺗﻜﻮﻧﻲ ﻭﺍﺛﻘﺔ ﻓﻴﻬﻢ ﺟﺪﺍً ﻭﻋﻨﺪﻙ ﺣﺪ ﻣﺠﺮﺑﻬﻢ ﻗﺒﻞ ﻛﺪﻩ ﻣﻦ
ﺍﻟﻌﺎﺋﻠﺔ ﺃﻭ ﻣﻦ ﺃﺻﺤﺎﺑﻚ ﺃﻭ ﺷﻮﻓﺘﻲ ﺷﻐﻠﻬﻢ ﻓﻲ ﺍﻟﺼﻮﺭ ﺃﻭ
ﻓﻲ ﻓﺮﺡ ﺣﻀﺮﺗﻴﻪ ﻭﻋﺠﺒﻚ ﺷﻜﻞ ﺍﻟﻌﺮﻭﺳﺔ.
ﺛﺎﻣﻨﺎ
ﺣﺎﺟﺔ ﺗﺎﻧﻲ ﻣﻬﻤﺔ ﺟﺪﺍً ﻫﻲ ﺍﻟﺘﺼﻮﻳﺮ ﻭﺗﻔﻜﻴﺮﻙ ﻓﻴﻪ ﻻﺯﻡ ﻳﻜﻮﻥ
ﺟﺪ ﺟﺪﺍً ﻷﻧﻚ ﺑﺘﺨﺮﺟﻲ ﻣﻦ ﺍﻟﻔﺮﺡ ﻛﻠﻪ ﺑﺎﻟﺼﻮﺭ ﻭﺍﻟﻔﻴﺪﻳﻮ ﻷﻥ
ﺍﻟﻠﻲ ﻫﻴﻔﻀﻞ ﻣﻌﺎﻛﻲ ﻃﻮﻝ ﺍﻟﻌﻤﺮ ﻫﻮ ﺻﻮﺭ ﺍﻟﺰﻓﺎﻑ ﻭﺻﻮﺭ
ﺍﻟﻔﺮﺡ، ﻭﺍﻟﻤﻔﺮﻭﺽ ﺇﻧﻚ ﺗﺸﻮﻓﻲ ﺷﻐﻞ ﺍﻟﻤﺼﻮﺭ ﻋﺸﺎﻥ ﺗﺤﺪﺩﻱ
ﺍﻟﺼﻮﺭ ﺍﻟﻠﻲ ﻋﺎﻳﺰﺍﻫﺎ ﻭﺑﺘﺤﻠﻤﻲ ﺑﻴﻬﺎ ﻃﻮﻝ ﻋﻤﺮﻙ.
ﺗﺎﺳﻌﺎ
ﻻﺯﻡ ﺗﻌﻤﻠﻲ ﺷﻨﻄﺔ ﺻﻐﻴﺮﺓ ﺗﺤﻄﻲ ﻓﻴﻬﺎ ﺃﺩﻭﺍﺕ ﺗﺠﻤﻴﻞ ﺑﺴﻴﻄﺔ
ﺯﻯ ﻣﺜﻼً ﺑﺎﺭﻓﺎﻥ ﻭﺷﺮﺍﺏ ﻭﺇﺑﺮﺓ ﻭﺧﻴﻂ ﺃﺑﻴﺾ ﻭﻣﻘﺺ ﺻﻐﻴﺮ
ﻭﻣﺎﻧﻴﻜﻴﺮ ﻭﺃﺳﻴﺘﻮﻥ ﻭﻗﻄﻦ ﻭﻣﺰﻳﻞ ﻣﻜﻴﺎﺝ ﻭﻛﺮﻳﻢ ﻣﺮﻃﺐ،
ﺍﺣﺘﻴﺎﻃﻲ ﻋﺸﺎﻥ ﻣﻤﻜﻦ ﺗﺤﺘﺎﺟﻲ ﻟﻬﻢ ﺃﺛﻨﺎﺀ ﺍﻟﻔﺮﺡ، ﻭﻛﻤﺎﻥ ﻣﻤﻜﻦ
ﺗﺴﺘﻔﻴﺪﻱ ﺑﻴﻬﻢ ﺑﻌﺪ ﺍﻟﻔﺮﺡ ﺇﻥ ﺷﺎﺀ ﺍﻟﻠﻪ .
ﻓﺮﺣﻚ ﻣﻦ ﺷﺨﺼﻴﺘﻚ
ﻻﺯﻡ ﺗﻌﺮﻓﻲ ﺷﺨﺼﻴﺘﻚ ﻧﻮﻋﻬﺎ ﺇﻳﻪ؟! ﻗﺒﻞ ﻣﺎ
ﺗﺘﻌﺎﻣﻠﻲ ﻣﻊ ﺃﻱ ﻣﺘﺨﺼﺺ ﻓﻲ ﺍﻟﻤﻜﻴﺎﺝ ﺃﻭ
ﻓﻲ ﺍﻟﺸﻌﺮ ﺃﻭ ﺣﺘﻰ ﻓﻲ ﺍﻟﻔﺴﺘﺎﻥ ﻓﻤﺜﻼ ﻓﻴﻪ
ﺷﺨﺼﻴﺎﺕ ﻛﻼﺳﻴﻚ ﻭﺷﺨﺼﻴﺎﺕ ﻣﻮﺩﺭﻥ ﺷﻮﻓﻲ
ﺃﻧﺖ ﻣﻴﻦ ﻓﻴﻬﻢ ﻭﺍﻋﻤﻠﻲ ﻓﺮﺣﻚ ﻣﻦ
ﺷﺨﺼﻴﺘﻚ.... ﻫﻘﻮﻟﻚ ﺇﺯﺍﻱ :
ﺍﻟﺸﺨﺼﻴﺔ ﺍﻟﻜﻼﺳﻴﻜﻴﺔ ﺃﻭ (ﺍﻟﻬﺎﺩﻳﺔ )
ﻣﻜﻴﺎﺟﻬﺎ
ﻓﻲ ﺍﻟﻔﺮﺡ ﻻﺯﻡ ﻳﻜﻮﻥ ﻫﺎﺩﺉ، ﻷﻧﻬﺎ ﺑﻄﺒﻴﻌﺘﻬﺎ ﻣﺎﺑﺘﺤﻄﺶ ﻣﻜﻴﺎﺝ
ﻛﺘﻴﺮ ﻓﻲ ﺍﻷﻳﺎﻡ ﺍﻟﻌﺎﺩﻳﺔ، ﻭﻓﻲ ﺍﻟﻔﺮﺡ ﺃﻟﻮﺍﻥ ﺍﻵﻳﺸﺎﺩﻭ ﺃﻭ ﻇﻞ
ﺍﻟﺠﻔﻮﻥ ﻻﺯﻡ ﺗﻜﻮﻥ ﺃﻟﻮﺍﻥ ﻓﺎﺗﺤﺔ ﻭﺑﺴﻴﻄﺔ ﺯﻱ "ﺍﻟﺮﻭﺯ "
ﻭ " ﺍﻟﻤﻮﻑ "ﻭ " ﺍﻟﺒﻴﺞ " ،ﻭﻛﻤﺎﻥ ﺭﺳﻤﺔ ﺍﻟﻌﻴﻦ ﺗﻜﻮﻥ ﺭﻗﻴﻘﺔ ﻭﻣﺎﻓﻴﻬﺎﺵ
ﺃﺳﻮﺩ ﻛﺘﻴﺮ ﻳﻌﻨﻲ ﻟﻮﻥ ﻭﺍﺣﺪ ﻓﺎﺗﺢ ﻋﻠﻰ ﺍﻟﺠﻔﻦ ﻭﻣﺎﺳﻜﺮﺍ،
ﻭﻣﻤﻜﻦ ﻟﻮﻥ ﻓﺎﺗﺢ ﺟﻮﻩ ﺍﻟﻌﻴﻦ ﺯﻱ " ﺍﻷﺧﻀﺮ " ﺃﻭ " ﺍﻷﺯﺭﻕ "
ﺃﻭ " ﺍﻟﻔﻀﻲ ...."
ﻭﺃﻟﻮﺍﻥ ﺍﻟﺮﻭﺝ ﻻﺯﻡ ﺗﻜﻮﻥ ﻫﺎﺩﻳﺔ ﺯﻱ ﺃﻟﻮﺍﻥ ﺍﻵﻱ ﺷﺎﺩﻭ ﻋﻠﺸﺎﻥ
ﺗﺒﻘﻰ ﻣﺘﻨﺎﺳﻘﺔ ﻣﻊ ﺑﻌﻀﻬﺎ، ﻭﺑﻴﺒﻘﻰ ﻋﺒﺎﺭﺓ ﻋﻦ ﻣﻠﻤﻊ ﻓﻘﻂ، ﻭﻛﻞ
ﺍﻷﻟﻮﺍﻥ ﺩﻱ ﺑﺘﻠﻴﻖ ﻋﻠﻰ ﺍﻟﺒﺸﺮﺓ ﺍﻟﻔﺎﺗﺤﺔ ﻭﺍﻟﺒﺸﺮﺓ ﺍﻟﺨﻤﺮﻳﺔ .
ﻓﺴﺘﺎﻧﻬﺎ
ﻓﺒﻴﻜﻮﻥ ﺑﺴﻴﻂ ﺟﺪﺍً ﻟﻮﻧﻪ " ﺃﻭﻑ ﻭﺍﻳﺖ" ﺃﻭ
"ﺃﺑﻴﺾ" ﺑﺲ ﺗﻄﺮﻳﺰﻩ ﻗﻠﻴﻞ ﻗﻮﻱ.. ﻭﻃﺒﻌﺎ ﻟﻮ
ﻣﺤﺠﺒﺔ ﺑﺘﻠﺒﺲ ﺑﺎﺩﻱ ﺗﻞ ﺳﺎﺩﺓ، ﻭﻓﻴﻪ ﺗﻄﺮﻳﺰ
ﻋﻠﻰ ﺍﻟﻠﻴﺎﻗﺔ ﻭﺍﻟﻜﻢ، ﺃﻣﺎ ﺍﻟﻄﺮﺣﺔ ﻟﻮ ﻛﺎﻧﺖ
ﺩﻭﺭﻳﻦ ﺃﻭ ﺇﺳﺒﺎﻧﺶ ﺑﺮﺿﻪ ﺗﻄﺮﻳﺰﻫﺎ ﻗﻠﻴﻞ ﻣﻦ
ﺍﻟﻄﺮﻑ ﺑﺲ ﺍﻟﺒﻨﺪﺍﻧﺎ ﺑﺘﻜﻮﻥ ﺗﻞ ﺳﺎﺩﺓ ﺃﻭ
ﻋﻠﻴﻬﺎ ﺗﻄﺮﻳﺰ ﺧﻔﻴﻒ ﺯﻱ ﺍﻟﻔﺴﺘﺎﻥ...
ﻭﻟﻮ ﻏﻴﺮ ﻣﺤﺠﺒﺔ ﺗﺴﺮﻳﺤﺔ ﺷﻌﺮﻫﺎ ﺷﻴﻨﻴﻮﻥ
ﻫﺎﺩﻱ، ﻭﻣﻤﻜﻦ ﺗﺤﻂ ﻭﺭﺩﺓ ﺻﻐﻴﺮﺓ ﻋﻠﻰ ﺟﻨﺐ
ﺃﻭ ﺗﺎﺝ ﺑﺴﻴﻂ ﺃﻟﻤﺎﻅ ﻭﺍﻟﺤﻠﻖ ﻋﻠﻰ ﻗﺪ ﺍﻟﻮﺩﻥ
ﻟﻮﻟﻲ ﺃﻭ ﺃﻟﻤﺎﻅ... ﻛﻤﺎﻥ ﺍﻟﻌﺮﻭﺳﺔ ﺍﻟﻜﻼﺳﻴﻚ
ﻣﻤﻜﻦ ﻓﺮﺣﻬﺎ ﻳﺒﻘﻰ " ﺃﻭﺑﻦ ﺇﻳﺮ " ﻳﻌﻨﻲ ﺧﺎﺭﺟﻲ
ﺑﺎﻟﻨﻬﺎﺭ ﻓﻲ ﻓﻴﻼ ﺃﻭ ﺟﻨﻴﻨﺔ ﺃﻭ ﺣﺘﻰ ﻋﻠﻰ ﺣﻤﺎﻡ
ﺍﻟﺴﺒﺎﺣﺔ ﻓﻲ ﻓﻨﺪﻕ.
ﺍﻟﺸﺨﺼﻴﺔ ﺍﻟﻤﻮﺩﺭﻥ ﺃﻭ ( ﺍﻟﺸﻘﻴﺔ )
ﺍﻟﻤﻜﻴﺎﺝ
ﻓﻲ ﺍﻟﻔﺮﺡ ﻻﺯﻡ ﻳﺒﻘﻰ ﺟﺮﻱﺀ، ﻷﻥ ﻓﻲ ﺍﻟﻄﺒﻴﻌﻲ ﺑﺘﺎﻋﻬﺎ ﺑﺘﺤﻂ
ﻣﻴﻚ ﺁﺏ ﻭﺍﺿﺢ ﻭﻛﺘﻴﺮ، ﻭﺃﻟﻮﺍﻥ ﺍﻵﻳﺸﺎﺩﻭ ﻳﻔﻀﻞ ﺇﻧﻬﺎ ﺗﻜﻮﻥ ﻏﺎﻣﻘﺔ
ﺯﻱ "ﺍﻷﺳﻮﺩ " ﻭ "ﺍﻟﺒﻨﻲ " ﻭ " ﺍﻟﻤﻮﻑ ﺍﻟﺒﺘﻨﺠﺎﻧﻲ "، ﻭﻛﻤﺎﻥ ﺭﺳﻤﺔ
ﺍﻟﻌﻴﻦ "ﺳﻤﻮﻛﻲ " ﺃﻭ " ﺃﺳﻮﺩ ﻣﺪﺧﻦ " ﻭ " ﺭﻣﻮﺵ ﺗﻘﻴﻠﺔ ..." ﻭﺃﻟﻮﺍﻥ
ﺍﻟﺮﻭﺝ ﻓﻬﻲ ﺇﻣﺎ ﺃﻥ ﺗﻜﻮﻥ " ﺃﺣﻤﺮ " ، " ﻓﻮِﺷﻴﺎ " ، ﺃﻭ " ﻣﻮﻑ "
ﻭﻣﻤﻜﻦ ﺟﻠﻴﺘﺮ ﻋﻠﻰ ﺍﻵﻱ ﺷﺎﺩﻭ ﻭﺍﻟﺮﻭﺝ ...
ﺍﻟﻔﺴﺘﺎﻥ
ﻓﺒﻴﻜﻮﻥ ﻣﻠﻴﺎﻥ ﺗﻄﺮﻳﺰ ﻭﺃﺣﺠﺎﺭ ﻭﻣﻤﻜﻦ ﻛﻤﺎﻥ ﺗﺤﻂ ﻭﺭﺩ ﻓﻲ
ﺍﻟﻔﺴﺘﺎﻥ ﺯﻱ " ﺍﻟﻤﻮﻑ " ﺃﻭ " ﺍﻷﺧﻀﺮ "، ﻭﺍﻟﻄﺮﺣﺔ ﻣﻄﺮﺯﺓ ﻣﻦ
ﺍﻷﻃﺮﺍﻑ ﺗﻄﺮﻳﺰ ﺧﻔﻴﻒ ﻋﺸﺎﻥ ﺍﻟﻔﺴﺘﺎﻥ ﻓﻴﻪ ﺗﻄﺮﻳﺰ ﻛﺘﻴﺮ ﻭﺍﻟﺒﻨﺪﺍﻧﺎ
ﺗﻜﻮﻥ ﺗﻞ ﻣﻄﺮﺯﺓ ﻭﻣﻤﻜﻦ ﺗﺎﺝ ﺃﻟﻤﺎﻅ ﻛﺒﻴﺮ ﻋﻠﻴﻬﺎ .. ﻭﻟﻮ ﻏﻴﺮ
ﻣﺤﺠﺒﺔ ﻣﻤﻜﻦ ﺗﻐﻴﺮ ﻟﻮﻥ ﺷﻌﺮﻫﺎ ﻳﺒﻘﻰ ﻫﺎﻱ ﻻﻳﺖ ﺃﺻﻔﺮ ﺃﻭ
ﺃﺣﻤﺮ ﻭﺗﺴﺮﻳﺤﺘﻬﺎ ﺗﺒﻘﻰ ﻣﺮﻓﻮﻋﺔ ﻭﻋﻠﻴﻬﺎ ﺇﻛﺴﺴﻮﺍﺭ ﺃﻟﻤﺎﻅ،
ﻭﺍﻟﺤﻠﻖ ﻳﺒﻘﻰ ﻛﺒﻴﺮ ﻭﺑﻴﻠﻤﻊ .. ﺃﻣﺎ ﺍﻟﻔﺮﺡ ﻓﺒﻴﻜﻮﻥ ﻓﻲ ﻗﺎﻋﺔ ﻛﺒﻴﺮﺓ
ﻓﻲ ﻓﻨﺪﻕ ﺃﻭ ﻓﻲ ﻧﺎﺩﻱ ﻛﺒﻴﺮ .
ﻭﻓﻲ ﺍﻟﻨﻬﺎﻳﺔ ﺃﺣﺐ ﺃﻗﻮﻝ ﺇﻥ ﻓﻴﻪ ﻋﺮﻭﺳﺔ
ﻣﻤﻜﻦ ﺗﻌﻤﻞ ﻓﺮﺡ ﺑﺴﻴﻂ ﻓﻲ ﺍﻟﺒﻴﺖ ﺃﻭ ﻛﺘﺐ
ﻛﺘﺎﺏ ﻓﻲ ﺍﻟﺠﺎﻣﻊ ﻭﺑﻌﺪﻳﻦ ﻋﺸﺎﺀ ﻓﻲ ﻓﻨﺪﻕ
ﻟﻠﻌﺎﺋﻠﺘﻴﻦ ﻓﻘﻂ ﺃﻭ ﺣﺘﻰ ﻣﺎﺗﻌﻤﻠﺶ ﻓﺮﺡ ﺧﺎﻟﺺ،
ﻟﻜﻦ ﺑﻴﺒﻘﻰ ﺃﻫﻢ ﺣﺎﺟﺔ ﻋﻨﺪﻫﺎ ﻫﻲ ﺻﻮﺭ
ﺍﻟﺰﻓﺎﻑ ﻋﺸﺎﻥ ﻛﺪﻩ ﻛﻞ ﻭﺍﺣﺪﺓ ﻻﺯﻡ ﺗﻬﺘﻢ ﺑﻜﻞ
ﺗﻔﺎﺻﻴﻞ ﻣﻈﻬﺮﻫﺎ ﻓﻲ ﺍﻟﻴﻮﻡ ﺍﻟﺠﻤﻴﻞ ﺩﻩ.
محول الأكواد إخفاء محول الأكواد الإبتسامات إخفاء الإبتسامات